الخميس، 12 نوفمبر، 2009

البرادعي............. امين يا رب العالمين



اخيرا لاقيت حد محترم ممكن يمسك الرئاسه لاسمح الله كل الكتاب و السياسين(( منهم عمر طاهر الي بحبه )) الي سالوهم قالو دا ماعش في مصر 30سنه يعني مش مصري و مش هيلمس هموم الوطن و حددو رغيف العيش ابو5 قروش بالذات طب ما يحنين و لا الديكتاتور الحالي يعرف و لا ابنه و لا انتا و لا اي حد يعرف و انتو مسكتوا في دي امال وزير التموين لازمه امه فين الحاجه الي ماحدش فيهم فتح بقه فيها الملفات الاقليميه و العلاقات الدوليه الراجل الي متلقح من 30 سنه هو الي بيسافر لباريس و روما و موسكو و واشنطن اكتر اما بيعدي من نفق العروبه (( اكتر رئيس سافر لباريس كرئيس في التاريخ )) و طبعا منكرش ان هو دا الي مخلي الغرب متمسك بيه و مش غضبنيين منه زي اما عملو مع موجابي في زيمابوي ((طبعا دا لانه بيقدم تنازلات كتيره جدا زي ترجي عسفير مصر في تل ابيب , مشاركه مصريه في حرب العراق و كسوفو و اوسلو و توقيع علي معاهده الحد من انتشار الاسلحه النوويه النسخه التانيه في التسعينيات , توجيه اللوم علي حزب الله , محاربه ما يسمي بالمتطرفيين , ملف الفصائل الفلسطنيه )) و دا يتلاحظ في انو رئاسته منصافه مع ساركوزي الاتحاد الاورو متوسطي
يعني الي موجودين كلهم ميح في العلاقات الدوليه (( ماعدا البرادعي و موسي )) و الملفات الاقليميه .
البرادعي يبقي مدير عام اخطر منظمه في العالم و صايع و مبيرضخش للامريكان و يعرف يفلت منهم بالشرعيه او عن طريق الصينين و الروس و تصريحاته و تقاريره عن العراق و عدم وجود اي انشطه نوويه (( هانز بليكس يبقي للتفتيش عن اسلحه دمار شامل يا ابو جهل يا بتاع فتشني يا بردعي و المانجه ماهيش نوويه )) و تصريحاته عن كوريا الشماليه و انو مش بتاع الصينين (( مش الي يجوز امي اقله يا عمي )) و تصريحاته الاخيره عن استقالته في حاله قصف ايران و عدم قبوله لضغوط امريكا لزياده حجم العقوبات علي ايران
و حي الناس الي في الشارع الي بتحف عمرو موسي شايفه البرادعي افضل (( البرادعي مدير منظمه مفروض انها مهيمنه من قبل الغربيين و مركعش و نزل حجم تدخلهم في القرارت و التقارير و فاضحهم عمرو موسي سكرتير لمنظمه امريكا مسيطره علي كافه اعضائها و الناس متقبلتش عدم انسحابه من دافوس مع اردوغان مع اني شايفه صح عشان يبين وجهه النظر العربيه ضد بيريز )) البرادعي عنده علاقات قويه مع الايرانيين و الاتراك الي هما اكبر قوي في الشرق الاوسط و فاكس بقي من الامارات و السعوديه الي ماشيين في ديلهم زي الهبل
البرادعي مش هينزل الانتخابات مكيت زي للاسف عمرو موسي (( هينزل مكيت و الحكومه هيا الي هتنزله )) و هو الوحيد الي يقدر العديد من كوادر مصر انهم يشتغلو تحت ايده مهم زويل للبحث العلمي و زكريا عبد العزيز و مكي للعدل و الشرطه و موسي للخارجيه(( مانكرش انه ناجح كوزير للخارجيه )) و ان كل الفئات الي بيشتغلو في السياسه (( 10 الاف بالعافيه )) من اخوان و ناصريين و كفايه و لا للتوريث 6 ابريل الي مجتمعين عليه , عنده كاريزما ممكن تعيد روحنا الي طلعت من جسمنا من زمان , لو مسك كل عقولنا الي هاجرت هترجع تاني
مش هيخلي الامن يئفش الي بيصلي و يحمي الي بيقلعوا .
البرادعي راجل قانون دولي و صاع علي الامريكان كتير و عنده القدره انو يفاوض علي كارثه القرن العشرين الي عملها استاذ مبارك السادات (( الي اسماها كامب دايفيد )) .

البرادعي معارض حقيقي يكفي ان الدول شافت امو جدير بقياده الوكاله الدوليه للطاقه الذريه و مبارك رشح محمد شاكر و كسب البرادعي يعني مش زي موسي (( الي عامل زي صفوت الشريف )) الاتنين نفوذهم زاد راحوا مودينهم جامعه الدول العربيه و الشوري
و للحديث بقيه ان ماكنتش اتئفشت

الخميس، 24 سبتمبر، 2009

خطايا عبد المنعم سعيد : الجزء الاول



عبد المنعم سعيد دا مفكر بيقول علي نفسه ليبرالي انا شايفه امبريالي و هو اكبر مروج صحفي للمشروع الامريكي الشرق الاوسط الكبير و عضو في مجلس الاعمال المصري الامريكي (( هو و المجلس الرئاسي المصري الامريكي و غرفه التجاره الامريكيه المصريه و شباب المستقبل مع الحزب الوطني مع جمعيه الرعايه المتاكامله هم الاجهزه الي بتنهب مصر )) و للاسف الشديد قبل عضويته للمجلس تولي منصب رئيس اكبر مؤسسه صحفيه عربيه افريقيه و هيا مؤسسه الاهرام

اما بالنسبه لموضوع الخطايا بتاعته فدا كان رد علي واحد في جرنال الاهرام بيتكلم عن عبقريته و حسن تصرفه و و رفضه لمشروع الهيمنه الامريكيه و خلاه هو حامي حمي الصحافه المصريه

*مقاله ليه في فبراير 2002 بعد خطاب كولن باول (( وزير خارجيه امريكا في فتره رئاسه بوش الاولي )) في مجلس الامن

الي اتهم فيه العراق بحيازه اسلحه دمار شامل يهدد بيه العالم كتب مقاله في الاهرام علق فيها علي خطاب كولن باول

إن "الميزان الأخلاقي" تحوَّل بعد إلقاء الخطاب لصالح الولايات المتحدة الأمريكية، و بعدين كمل فينفس المقاله وقال " ان المسرح أصبح جاهزًا للحرب، وإن على الدول العربية أن تشارك حتى تحصل على نصيبها من الغنائم العراقية . و بعد اما دخل المفتشين و قال هانز بليكس مافيش حاجه بس مش دا الاساس هما جايين يضربو و عبد المنعم سعيد عارف كدا و بعد اما دخلو و حاولو يكتمو علي الموضوع بحوار جيش المهدي لمقتدي الصدر الشيعي لكن الديمقراطيين عملو استجواب لجورج تنت و اعترف تنت و بوش بان المعلموات الاستخبارتيه كانت خاطئه و بالتالي عبد المنعم سعيد غلط و طلع و عمل مقاله في نفس الركن بتاعه في الاهرام و قال ان الميزان الاخلاقي لم يكن في صالحه و ان امريكا لديها الجرائه لكي تعترف باخطائها (( الاخطاء يا عمي مش اني عارف ان مافيش و اخش احتل دوله للبترول و

للضغط علي دول شنغهاي و ايران و امتلك احطياتي بترول بيمثل 10% من الاحطياتي العالمي للنفط , امريكا برضو ما اعترفتش بسجون زي ابو غريب و اكيد عارف ان اغلب الاسلامين بيجو عندنا هنا عشان قمل الدوله يقوم بالواجب و زياده

و ان امريكا عامله حته اوسخ من ابو غريب في قاعده باجرام الجويه في كابول افغانستان و عامله نفس الموضوع في كولومبيا و نفس الكلام دا في جنوب تايوان و افظع من دا في الفلبين ضد اسلامي جنوب الفلبين من "جبهه تحرير مورو "

و " ابو سياف " و نفس الكلام في قاعده العديد الي في قطر و شمال الكويت و القاعده الفرنسيه في خليج عدن (( جيبوتي )) و ميناء عدن نفسه و جنوب اليمن , انا لو كملت للصبح مش هعرف اقلك كم اماكن التعذيب لينا الي بتدار بواسطه امريكا و الي بيعذبنا نفس الافراد من شعوبنا , ممكن يقلي انو مايعرفش حاجه عن تورط امريكا في تجاره المخدرات في امريكا الاتنيه خصوصا كولومبيا و لو قلتلك ان تجاره المخطارات الاتنيه طبقا لدائره مكافحه المخدرات الفنزوليه

بتكسب CIA 68.7 % من الفلوس المخصصه ليه من الحكومه الامريكيه (( اكتر من 75 مليار لدولار و عدد العاملين 200 الف و لو حسبت نسبه الي بتاخده من تجاره المخدرات في امريكا الاتنيه 51.5 مليار دولار و نص الي بتعمله مع امريكا الاتنيه عملته مع فيتنام ايام الحرب في الستنيات و بتعمله مع هيروين افغانستان )) انا مش هسيبك لضميرك لانه شكله

مستمتع بفلوسنا الي بيسرفها علي سفره للجزر الاستوائيه .

· ليه مقاله في المتسول اليوم قصدي المصري اليوم تحت عنوان "حان وقت الحساب" بيتكلم فيه عن وجود تنظيم بيجمع بين بدو سينا و اماره حماس و ان اماره حماس بتعمل دا لكسر العزله المفروضه عليها و ان الدوله لازم تفتح الملف للحفاظ علي هيبتها ردي عليه ان انا و اي واحد عربي ماشي في الشارع هيقلك ان حماس هيا السلطه الشرعيه لفلسطين من خلال حكومه منتخبه في وجود مراقبين دوليين و مكنتش 99.999999% بتاعتكم و ان الي وقعها كانو الغربيين و لو سال اي شخص فلسطيني عن ابو مازن او اتياعه من احمد قريع و محمد دحلان كلهم كلاب سيبين غره بتتحرق و هما بيحضرو حفلات بلوز في رام الله و بينزلو القدس الي بيهودها عشان يقابلو ليفني شويه و اولمرت و اخيرا نتنياهو و تلاقي البوس و الاحضان و ان لو سالت اي شخص انتا ايه رائيك في موضوع الانفاق هيقلك مافيش معبر مفتوح (( يقلك غزه للافراد و يخلي معبر كرم ابو سالم الاسرائيلي للبضايع و الادويه و ان انا بدخلك الاكل و الادويه من رفح حاجه كدا تحايل و لازم مراقبين اوروبين و دا كرم اخلاق مني )) و مافيش احتياجات اساسيه للفلسطنين و لا دوا (( بيسموهم غزويين , شايف الوحده )) و مافيش سلاح يعمل ايه (( مش كل الانفاق سلاح )) تاني حاجه احمد ابو الغيط بيقول مش هندي سلاح لحماس عشان تنفذ مخططات حزب الله الي بتدعمها ايران نفس اعرف مالو حزب الله (( دي حركه مقاومه انتا مالك و ان وجود دوله ترعاها دي حاجه عديه مع اي قضيه وطنيه )) و بالنسبه لايران (( انا و اخويا علي ابن عمي , و انا و ابن عمي علي الغريب لكن انا و القاتل علي اخويا ماتمشيش اما الصهيونيه اقرب لحوكمتنا من ايران يبقي في مشكله فينا احنا ما اهو ادينا شيفين علاقات ايران مع سوريا السنيه و شايفين ان ايران هيا الي بتمنع الحرب الاهليه مع السنه في العراق )) و بيتكلمو علي السلاح و اتفاقيه السلام مع اسرائيل اعتقد ان في حاجه اسمها اتفاقيه الدفاع المشترك بين الدول العربيه و دي لازم ندخل فيه (( العراق كان معدتي في 1991 )) و دا بيخليك لازم تديلي سلاح و تديلي لؤات تحارب بس نرضي بالقليل واديلي سلاح و اي شخص قانوني هيقلك مافيش تعارض بين كامب ديفد و اتفاقيه الدفاع المشترك و خطه شارون للانسحاب من غزه , اخر حاجه هو رموز الحكومه دايما بتتعامل مع البدو كخونه ليه انو يدي سلاح ليهم دا وسام علي جبينه زي الي عملو في الاستنزاف و ان اي واحد بدوي يقري حاجه زي دي جايه عن (( رئيس مركز الاهرام للدراسات الاستراتيجيه و مقرب من الرئيس )) يعتقد انها مش بلدو و انو فعلا ان الحكومه بتمرمتهم و ان اي واحد منهم بعد كده من حقه يطالب بحقوقهم بره في امريكا حليفتك (( عشان يكونو اقباط و نوبيين و بدو و مسلميين كمان )) و هيبه الدوله بتيجي من احكامها علي ارضها يا باشمهندس (( مش كل سينا منزوعه السلاح و مافيش نفر موجود و الاسرائلين بيخشو ببطايق و اما حصلت التفجيرات بتاعت طابا يخش الاسرائلين

· يثبتو امن الدوله الي فاكر نفسه حاجه و يفتحوا الحدود عشان عربيات الاسعاف و تكاليف القوات الدوليه الي في مطار الجوره مش احنا الي بندفعها و تكاليف مطار الطور و رأس نقب نفس الكلام فين هيبته الدوله في كل دا و فين هبيت دوله انها رافضه تقلنا علي البنود بتاعت اتفاقيه سلام وحيده و فريده من نوعها و نعرفها بس من الاجانب .

الخميس، 17 سبتمبر، 2009

أسوان بقت هيا كمان فيها بورتو

لسه كنت هقوم من علي الفيس بوك و اقفل الجهاز (( بقفله لاني 256 كيلو بايت ليمتيد من عند لينك الله يجحمهم و فضلي 600ميجا و لسه فاضل 3 اسابيع علي الشحن و دفع 45 جنيه )) لاقيت جروب اسمه انقذوا اسوان قلت مشكله مرشدين بولنديين (( بيقولو التاريخ غلط و هما معاهم تاشيرات سياح )) او حاجه في الصيد في بحيره ناصر مشكله مع النوبيين مشكله مع الخ الخ الحاجات التقليديه دي لكني لاقيت رساله مبعوته لواحد اسمه محمد جاد الله و هو الي عمل الجروب دا بيتكلم عن بورتو اسوان (( الحمه بتاعت بورتو ورلد وصلت الاسوان شفت الزمن )) ودا نصها
الأستاذ / محمد جاد الله تحية طيبة وبعد
1. المشروع كما علمنا يسمى بورتو أسوان مخطط أن يقام على مساحة ألف ومائتين فدان حوالي خمسة ملايين متر مربع وهو عبارة عن فيلات فارهه وشاليهات وفنادق ومشروع تلفريك لنقل النزلاء وذلك في البر الغربي شمال قرية غرب سهيل النوبية ويمتد ليصل إلي مقابر النبلاء قبة الهواء وأمام مدينة أسوان مباشرا ونسوق لسيادتكم تفنيداً لأسباب الرفض :
2. الموقع أثري بما لايدع مجالاً للشك وهو امتداد لمقابر النبلاء حكام الإقليم وتوجد عشرات المقابر
بالقرب منه وعلي نفس الجبل من الدولة القديمة والدولة الوسطى وهناك احتمال يقترب من اليقين
أن تكون بهذه المنطقة جبانة كهنة معابد فيلة وكذلك كهنة معابد الالفنتين وستكون بأعداد كبيرة جدا
وسيصبح هذا المكان مثل وادي الملوك أو مقابر النبلاء غرب الأقصر سيدر دخلا كبيرا.
لمن لايعرف أن معبد أبو سمبل وحده زاره العام الماضي حوالي2 مليون سائح حققوا لخزينة الدولة
160 مليون جنيه فلنا أن نتخيل كم الأموال التي سنفقدها بتفريطنا في مناطقنا الأثرية
1. الأقصر بها مشروع عملاق لتحويل المدينة إلي متحف مفتوح ويتم إزالة مئات المنازل والمباني حتى
لاتحجب الرؤية ولا تشوه تلك المدينة الخالدة . في الأقصر يجملون المدينة بإزالة ما يشوهها من مباني
تحجب الرؤية بين الشرق والغرب فما تفسير إقامة مشروع في أسوان علي النقيض تماما من مشروع
الأقصر .
الأقصر وأسوان مزار سياحي يرتبط ببعضه البعض بمعني أن حوالي 70% من يزورون الأقصر يأتون إلي أسوان فكيف نفسر هذا التناقض في الفكر والمنهج والتطبيق ؟؟
2. المنطقة التي يخطط لها أن تكون بها هذا المنتجع منطقة من أجمل مناطق العالم جمالاً وبيئة فبها
كثبان الرمال وتحتها الحجر الرملي بألوانه الرائعة وبها مقابر ثم النيل بزرقته الصافية النقية ثم
المحميات الطبيعية التي تحط بها ملايين الطيور أثناء هجراتها من أوربا ووسط أفريقا والعودة .
لوحة ربانية أهداها لنا المولي عز وجل . وهذه المنطقة يجب أن تكون محمية في مجملها الجزر
والضفاف .
3. الدكتور سير مجدي يعقوب الطبيب المصري العالمي أختار أسوان لينشئ بها مركزاً لجراحة القلب
وأمراضه وهو يقول أن هواء أسوان هو الأنقى والأجف في العالم وأختار أسوان لمناظرها الجميلة
وصحرائها الرائعة لتكون دار استشفاء لمرضي القلب لينعموا بالهدوء والراحة والطبيعة والصحراء
ماذا سنقول لهذا الرجل بعد أن تصبح أسوان مثل الساحل الشمالي ؟
4. اقتصاديا أسوان ليست بحاجة إلي غرف فندقية جديدة فبها العديد من الفنادق التي لا تمتلئ إلا في
مواسم الأجازات ولهذا سبب معروف وهو البواخر النيلية ورحلاتها التي جذبت إليها السائحين لما لهذه
الرحلة من راحة وجمال وهدوء وهناك أكثر من 300 باخرة تجوب المسافة بين أسوان والأقصر
والعكس فلا يستطيع أحد أن يدعي أن هناك حاجة لإنشاء فنادق جديدة بعد إضافة فندق الجيش وقرب
انتهاء تجديد فندقي كتراكت .
من المضحك أنه من المزمع أنشاء مشروع تلفريك لينقل سكان المنتجع ليمر علي النيل ويربط الضفتين ببعضهم البعض وهذا مشروع غريب في مدينة كلاسيكية عريقة مثل أسوان وهذه المراجيح الطائرة قد يعجب بها بعض الأطفال والسذج ولكنها لن يكون لها هذا التأثير علي رواد أسوان بل سيكون هناك تأثير سلبي فيعزف عن أسوان عشاق الهدوء والراحة والسكينة التي تشتهر بها المدينة بالإضافة أن من يركب مثل هذه المراجيح الطائرة سيرى بسهولة ويمكنه أن يصور خزان أسوان والسد العالي أين هذا من الأمن القومي المصري الذي يحمي المشروع المتحكم في شريان حياة مصر ( النيل) الذي قد يضار بشكل أو بأخر من مثل هذه المشاريع العبثية .
الرئيس مبارك أثناء افتتاحه لمشروع كوبري أسوان وبعد رفضه مرارا أفكارا سخيفة لإنشاء الكوبري في المدينة ليربط بين جزيرة الالفنتين وأسوان والبر الغربي الرئيس أوصى المحافظ السابق الراحل
سمير يوسف أن تبقى طبيعة أسوان علي حالها الجميل وأن لايشوهها بالمباني وقال هذا علي الملأ في كل وسائل الأعلام التي نقلت الحدث الكبير
أتمني أن أكون قد أوضحت بعض النقاط لأسباب رفضنا لهذا المشروع للأسباب الأثرية والبيئية والاقتصادية وكذلك الأسباب الاعتبارية الأخرى ونفيد سيادتكم علما أن هيئة الآثار بأسوان قد رفضت المشروع بتاريخ 18/8/2009 واخشي ما نخشاه أن تحدث ضغوط من جهات أخري لتمرير هذا المشروع

وتفضلوا بقبول فائق الاحترام
نقيب المرشدين السياحيين بأسوان
عبد الناصر صابر
محمول : 0122127883
أسوان في 10/9/2009
في ناس هدور علي جوجل و هيقلك دا قديم و بيحك في موضوع خلص (( عشان الهيئه العامه للاثار رفضته النهارده 16/9/2009 )) لا يحبيبي مجموعه بورتو ورلد بتاعت طارق عامر و مجموعه كاتو لابراهيم كامل هما الي شركه و القرار طلع ابتدائي و بينظرو فيه تاني و بعد كده هيتقبل يا مواطن يا جزمه انتا مالكش لازمه ))
افكس أوي المشروع هيتعمل يا استاذ عبد الناصر انتا او اي حد تاني الحوار هيتم لان هيقولك مصلحه اقتصاديه و هيدر المشروع دخل من الاجانب (( التمليك في مصر ماعدا مدن خليج العقبه زي شرم و نوبيع و طابا ممنوع لغير المصريين مش عارف هو هيملكهلهم الزاي )) .

http://www.facebook.com/home.php#/group.php?gid=135820031230 دا لينك الجروب بتاع انقذوا اسوان علي الفيس بوك

الأربعاء، 16 سبتمبر، 2009

روسيا و ألمانيا : التحالف افضل من نزاعات الماضي




أول مره اكتب بالفصحي عشان انا كنت هنزلها في مجله مزمع انشاءها بس طلع حوار فكسان اوي


الاتحاد الروسي (( خليفه الأتحاد السوفيتي )) و ألمانيا الأتحاديه ((خليفه ألمانيا النازيه )) هما حديث العالم ليس لاختلافتهم الجوهريه و أنما للكراهيه المضنيه لبعضهما بعد الحرب العالميه الثانيه و الحرب البارده

حيث ان ألمانيا النازيه قتلت 27 مليون نسمه من الروس خلال عمليه بارباروسا لاحتلال الاتحاد السوفيتي 20مليون منهم مدنين و 7 مليون جندي قيام السوفيت بالقيام بعمليه عسكريه ضد الأراضي الألمانيه من الشرق الالماني الي الوصول لحصار برلين و تعاملت مع الالمان بمنطق القتل حتي المستسلمين من وحدات الجيش الالماني و اقامت المعسكرات للالمان و حاصرت برلين الي ان وقعت وثيقه استسلام المانيا و انشاء اكبر حاجز بشري بين شعب ألمانيا و هو سور برلين و تقسيم المانيا فكريا بين المعسكر الشرقي و الغربي الذي انهار في 9 نوفمبر 1989 م الي خروج الروس منها في عام 1994 م بعد انهيار الاتحاد السوفيتي و سور برلين .

تطور العلاقات السياسيه فيما بعد انهيار الاتحاد السوفيتي و حائط برلين

*26 ديسمبر 1991 ألمانيا الموحد اول دوله تعترف بروسيا كوريث للاتحاد السوفيتي

*صيف 1998 بدء مشوارات بين البلدين سنويا بعد جهود فلاديمير بوتين و جيرهارد شرودر و قد اسفرت في عام 2008 م عن طرح فكره الشراكه من اجل التحديث التي قال عنها وزير خارجيه ألمانيا الاتحاديه فرانك فالترشتاينمار انها من اعظم خطوات التعاون بين اوروبا المتمثله في المانيا وروسيا وذلك في كلمه القاها في جامعه ييكاتيرينبرغ و ذلك عند افتتاحه منتدي اقتصادي في مدينه ييكاتيرينبرغ .

* توقيع الجانبين منذ عام 2005 م الي الان اتفاقيات خاصه بتسهيل تبادل الزيارات بين مواطني ألمانيا الأتحاديه و الاتحاد الروسي و اتفاقيه نقل المواد العسكريه و القوات الألمانيه عبر روسيا إلي أفغانستان منذ عام 2003 م

تطور العلاقات الاقتصاديه بين ألمانيا و روسيا .

*جائت الإتفاقيه بين غاز بروم الروسيه للغاز الطبيعي و شركه باسف الكيميائيه لانشاء انبوب الغاز نورد ستريم لانشاء انبوب الغاز نورد استريم عام 2005 م الذي يصل الغاز الروسي عبر بحر البلطيق الي اوروبا وينقل 55 مليون متر مكعب غاز سنويا و ذلك لتزويد 25 مليون من اصحاب المنازل الاوروبيه .


* روسيا اكبر مستهلك للصادرات الالمانيه لاسيما التكنولوجيه و تخطت الصين في اخر عامين و حجم التبادل التجاري بين ألمانيا وروسيا بلغ في عام 2008 م 67.2 مليار دولار و حجم الاستثمارات الالمانيه في الاقتصاد الروسي 17.4 مليار دولار و من المتوقع ان تثتسمر عملاق التكنولوجيا الالمانيه سيمنز أي جي في روسيا و معها ايضا شركه دايملر الالمانيه لصناعه السيارات في روسيا بنهايه العام الحالي .

* في اخر لقاءات ميدفيدف مع ميركل في مدينه سوتشي الروسيه في 14 اغسطس المنصرم لقد تبين المراقبين للاوضاع ان عجله الاقتصاد لن تكون مقتصره علي استثمارات ألمانيه في روسيا فقط و انما سوف تكون هناك استثمارات روسيه ايضا حيث سوف تدعم المستشاره تحالف شركه مانغا النمساويه الكنديه مع مصرف سبيربنك الروسي لشراء شركه اوبل لصناعه السيارات كما سوف تشتري شركه سيستيما الروسيه حصه في شركه انفينيون الالمانيه و كما اكدا علي اهميه مشروع السيل الشمالي لنقل الغاز الروسي لاوروبا وان يدخل إلي حيز التنفيذ إلي جانب مشروعي نابكو و السيل الجنوبي وفي هذا السياق تبدوا فرص تدخل مصارف روسيه لشراء الشركه الالمانيه الحكوميه لصناعه السفن بعد قرب اعلان افلاسها .

لماذا علاقات روسيا و ألمانيا مهمه للطرفين بالرغم من تاريخهم الدموي ؟

ألمانيا هيا اسرع الدول الاوروبيه الكبري نموا بعد الازمه الاقتصاديه و الاقرب غلي التعافي التام من اثرها و كما ان قياده اوروبا تحت قياده فرنسا و بريطانيا في عهدي (( شيراك و ساركوزي لفرنسا )) و (( بلير و براون)) قد أدي إلي توريط اوروبا في معارك خاسره مثل افغانستان و العراق و انهيار اقتصادي تجعل الدول الاوروبيه الاخري التطلع لقياده حكيمه يمكنها الخروج من هذا النفق المظلم و هي المانيا و هذا اصبح متمثل في تاييد اسبانيا و ايطاليا و الدول الاسكندافيه لالمانيا لاحتواء السياسه البريطانيه و الفرنسيه السيئه لاداره الاتحاد الاوروبي و هذا مايزيد من فرصها لان تصبح دول كبري مره ثانيه و ان تقود اوروبا للعالم متعدد الاقطاب و لكن هذا لن بحدث الا بان تاخد مقعد دائم في مجلس الامن بحلول عام 2030م حيث سوف يصبح الناتج المحلي الصيني اصبح ضعف نظيره الامريكي و سوف تعود سيطرت روسيا علي اسيا الوسطي في ظل تراجع فرص بقاء الناتو في افغانستان و الغاء تسهيلات دول اسيا الوسطي للناتو من قواعد و فتح المجالات الجويه و هو مايجعلهما من اقطاب العالم المقبل و يمتلاكان مايضغطان به علي الولايات المتحده و فرنسا و بريطانيا (( باقي الاعضاء الدائمين في مجلس الامن )) لاعطاء المانيا مقعدها الدائم و ايضا تاتي الشكوك و التخمينات حول ان المانيا سوف تسعي قبل حلول عام 2030م بازاله القواعد الامريكيه في غرب ألمانيا .

اما للجانب الروسي فأن المانيا تعتبر الدوله الوحيده في العالم علي تطوير روسيا (( التي يجعلها دوله كبري و منضمه لمجموعه الثماني الكبري الروؤس النوويه الباليه )) بتكنولوجيا افضل من نظيرتها الامريكيه لان الكيرملين قد صدق اوهامه بان اسلحتها هيا الافضل و القادره علي البقاء ضد الاسلحه الامريكيه وان روسيا سوف تعود مثل الاتحاد السوفيتي بدون عون ولكن مايحدث من غرق للغوصات النوويه واحه تلو الاخري في المحيطات ادي الي ايقاظ الكريملين علي ان هناك فرق كبير من طموحاته و قدراته العسكريه لذلك عمد لالمانيا التي تجدد سكك الحديد الروسيه المدنيه و العسكريه و تطوير المواني الروسيه المطله علي الهادي و العمد الي بدء تجديد تكنولوجيا السلاح الروسي عن طريق التكنولوجيا الروسيه عبر برامج مشتركه بين البلدين و هذا ما جعل روسيا اكبر مستورد للتكنولوجيا الالمانيه و ان بوتين ايقن ان الولايات المتحده تضغط علي موسكو بسسب التفوق الاقتصادي لذلك الاتفاقيات الثنائيه 60% تدور حول تطوير الاقتصاد الروسي و ذلك ايضا بمقابل غاز موسكو الرخيص لبرلين و ايضا المانيا هيا المؤيد الاساسي لتسريع تحويل روسيا من مراقب إلي عضو في منظمه التجاره العالميه و هو مايعكس اندماج روسيا في المجتمع العالمي كما ان المانيا سوف تجعل هناك معسكر مؤيد لموسكو الجديده ضد نزوات غرب اوروبا و الولايات المتحده و تمنع وجود اي نوع من الحظر الاقتصادي علي روسيا عندما دافعت روسيا عن اوسيتيا الجنوبيه عام 2008م و حاول الناتو فرض عقوبات ولم توق فيه وهو مايرجع لدور برلين .


الثلاثاء، 8 سبتمبر، 2009

روسيا قد يتحالفوا عليها او ينبذوها لكن لا يستطيعوا قتلها


مش عارف ليه الغربيين ماسكين في الذكري الاولي لحمله روسيا علي جورجيا 2008 ان الروس خسرو بسبب التداعيات الاقتصاديه للحمله (( 500مليون للتكاليف العسكريه و 16 بليون بسبب انخفاض العمله الروسيه الروبيه و بعض الحصار الاقتصادي الغير معلن علي روسيا من قبل دول الناتو قدرت ب 10بليون و للحقيقه 27.6 بليون دولار الخسائر الكليه لحمله عسكريه تعتبر كتيير علي روسيا في ظل وضع الاخيره من انخفاض معدل الناتج القومي و الناتج الصناعي و انخفاض الدخل بالنسبه للدول الصناعيه السبع الكبري الاخري بس انا عارف كل ده بس انا برضه عارف ان فلاديمير بوتين ملياردير و ثروته لوحدها 19.2 بليون دولار يعني رجل اعمال ناجح جنب انه سياسي محنك و اكيد هو عارف الفرق بين حمله و حرب و بين الشيشان و داغستان و بين جورجيا لو من منظور الغربين او من منظور بوتين او منظورنا الي انتصر في الحرب مش الي خسر 27.6 بليون لكن الي خسر هو الناتو الي خسر مش فلوس بس مد الناتو في اوصال الدول السوفيتيه القديمه وقفت يعني مش هنشوف و لا جورجيا و لا اوكرنيا في الناتو في العقد الجي و لو حتي انكرو لكن دا الي كان هيحصل حمله بوتين وصلت لتبلسي عاصمه جورجيا في اليوم الرابع و قبل الاربع ايام مكنش فيه غير صوت سكاشيفلي بيصرخ في الغرب انو يساعده (( بوش و رايز اكتفو باعراب القلق و ساركوزي حب يعمل شويه شو اعلامي قبل اما تخرج فرنسا من رئاسه الاتحاد الاوروبي و الدور الوحيد الي تم ملاحظته كان دور انجيلا ميركل و يوكشا فيشر وزير الخارجيه في عهد شرودر )) الدرس الي كان بيحاول بوتين يوصله ((سواء رئيس او رئيس وزراء)) مكنش بس لشخص اسكاشيفلي و لكن لشخص فيكتور يتشنكو رئيس اوكرنيا ((سكاشيفلي و يتشنكو جم بثورات ملونه الاول بورديه و التاني ببرتقاليه و كلها عميله للغرب و اعتقدوا ان بقايا اسلحه السوفيت في جورجيا او الاسطول السوفيتي التالت في اوكرنيا و اسلحه الناتو الي هينضموا ليه انو درع حاميه ضد الروس و اعتقدوا صمت الروس علي حرب افغنستان و اقامه قواعد عسكريه في اوساط اسيا ضعف من الروس و لم يعرفو انو هدؤ ماقبل العاصفه)) ان سياسه امريكا (( امريكا =ناتو =اوروبا =الامم المتحده =منظمه الطاقه الذريه )) المتبعه من دعم ما تسمي بحركات تحرريه وثورات ملونه ممكن ان تواجه برد روسي يقسم تللك الدول حدث ذلك مع ابخازيا و اسوتيا الجنوبيه فالاولي لديها 0.5 سواحل جورجيا القديمه و تعيد لروسيا سيطرتها الفعليه و العسكريه علي جورجيا سواء كانت عدوه او صديقه ام الدوله الثانيه فهي سوف تتحد مع اوسيتيا الشماليه المنضمه للاتحاد الروسي (( اما علي الصعيد الدولي روسيا بسبب علاقتها الجيده مع دول امريكا الاتينيه هتعترف دول زي كوبا و فنزويلا و بوليفيا و باقي دول امريكا الوسطي و الاتينيه بابخازيا و اوسيتيا كدولتان يتمتعان بحقوق السياده و اذا كان الدول دي هتعترف يبقي برضو دول شنغهاي المتمثله في الصين _ بغض النظر عن علاقتها مع الغرب _ و دول اسيا الوسطي _ حتي الي عندها قواعد للناتو _ هتعترف بابخازيا يعني جورجيا بقت عامله زي الجيزه اما شالو منها 6 اكتوبر و خلوها محافظه)) و السيناريو الي بوتين فهمه لاكرانيا و الناتو رعبهم حتي من انو يتخيلوه و دا الي خلي اوكرنيا تهدي اللعب في ازمه غاز بروم في اواخر 2008 (( المشدات الي عملتها اوكرنيا قبل الحرب الروسيه علي جورجيا عشان يمشي اسطول روسيا بتاع البحر الاسود في ميناء اوكراني روسيا ماجراه لحد 2017 من 1997 محدش سمعلها صوت و مناوشات غاز بروم وقفت في فتره صغيره )) و الملاحظ ان الاوكرانيين في انتخابات رئاسه الجمهوريه الجايه هينتخبو اداره تعيد علاقتها مع روسيا _ انحصار دور الغرب في مناطق روسيا و خسارتها لدول كانت حليف اساسي _ اما علي صعيد المواجهات العامه بين روسيا و امريكا فان روسيا قعدت ساكته عن استفزازات واشطن بالنسبه للقاره القطبيه الشماليه و تحركات الاسطول الامريكي في المحيط الهادي _ دلوقتي غواصات روسيا النوويه قدام ساحل ميامي اول مره من انهيار الاتحاد السوفيتي و روسيا بتعمل انزال عسكري ارضي في القاره القطبيه الشماليه _ و بالنسبه للفضاء امريكا ادخلت دول جديده في عالم تكنولوجيا الفضاء زي الهند و ماليزيا و النرويج و فلندا _ روسيا ادت تكنولوجيا صواريخ الفضاء لكوريا الشماليه و البرازيل و ايران في برنامج شهاب 6 _ و الملحوظ ان امريكا حاولت شطب روسيا من مجال الفضاء حين قامت بمحاوله انشاء محطه الفضاء الدوليه بدون موسكو_ كان ليها اول محطه فضاء اسمها مير و انتهي عملها في 2002 _ لكن بائت بالفشل بسبب ضعف التكنولوجيا الامريكيه في مجال الفضاء _ بسبب كوارث امريكا من ابوللو 13 و شالنجر و اخيرا كولومبيا سوف تصبح المركبه الروسيه سويوز هيا وسيله النقل الاساسيه للمحطه الدوليه للمده عقد كامل _ و الملاحظ ان بكين و موسكو يطمحوا في انشاء محطه فضاء مشتركه , علي صعيد تمثيل روسيا دوليا انضمت لمجموعه الدول الصناعيه الكبري السبع _ بروسيا بقت الثماني الكبري_ و بقت مراقب في منظمه المؤتمر الاسلامي _ 20% من روسيا مسلمين وصفته كمراقب تخليه علي علاقات كويسه بالدول الي خرجت من عبائته من دول اسيا الوسطي المسلمه و تقربه من منابع النفط في الدول المسلمه في غرب افريقيا زي السنغال _و بقت مراقب في منظمه التجاره العالميه و من المتوقع ان تبقي عضو كامل مع ضغط المانيا علي المجتمع الدولي _ تحالف روسيا مع المانيا سياسيا هيغطي علي الناتو و مش هيخلي الغرب يعرف يقود طموح روسيا الاقتصادي بالحصار الاقتصادي و دا بان بعد ما حاول الغرب معاقبه روسيا اقتصاديا بعد حربها علي جورجيا و ان برلين هيا الوحيده الي ممكن تطور منظومه الاقتصاد الروسي المتوسطه المستوي .


هو الي انا مش فاهمه هو روسيا اما ترجع هتعمل ايه ؟ افكس اوي انا لسه ماكتبتش ايه الي ممكن تعمله اصبر يومين و لا حاجه و انا هبقي اكتب


الاثنين، 7 سبتمبر، 2009

مطار العلمين

مش عارف هما حاولوا يفهمونا انو هيبقي ناجح زي مرسي علم بس بقي عامل زي توشكي
, الي خد امتياز الB.O.T لمطار العلمين هو ابراهيم كامل بمجموعته و هيا (( كاتو )) و دا كان 16 /8/1998 و االمساحه الي خدها من بنك الاراضي 64 كيلو متر و دي جنب قريته الغزاله و 64 كيلو متر مربع و ارض الغزاله مخصصه (( يعني مادفعش فيهم نكله بالمعني الحرفي , طبعا انتا مستوعب يعني ايه تخصيص لصديق جيمي ليتل و زمايل في المجلس الاعمال الرئاسي المصري الامريكي او اي حد تاني برضه )) و افتتحوا المطار في اكتوبر 2005 م و المعلم ابراهيم كامل مابناش علي 64 مليون كيلو متر مربع (( ممكن يكون للتوسعات المستقبليه )) عمل في 13% من المساحه ((8.32 مليون متر مربع)) ضربهم في جيبه و بنا عليهم مشروعات سياحيه طبعا اكيد دا اثر علي سعه المطار من الركاب (( دا مطار دولي يابرنس )) و غير انو اثر علي السعه السنويه للمطار اكيد دا معناه ان العقد الي برموا مع الدوله الهباب بالتوسعات و الانشاء علي 3 مراحل فاكس اوي و انو مشروع مرحله واحده (( و حتي دي متاكل منها 8.32 مليون متر مربع )) و طبعا اي شخص بيدور عليه عشان يشاركه في الشركه المالكه لمطار مافيش نيه لتكملته و مقتطع من مساحته 13 % هتنتهي بالفشل و مافيش حد بيحاسب او بيراقب الباشا (( الي احنا نعرفه ان منشاءات المواني الجويه و البحريه بتكون موقع اساسي للجيش في السلم و الحرب و بما ان التجربه جديده عاوز اعرف هو الجيش ايه حواره من مطار قدامه الاسطوال السادس الامريكي في البحر المتوسط ولو مافهوش قاعده لسرب جوي و لا ملهوش اشراف علي الاداره و عمليات التوسعات في البنيه الاساسيه و لا ايه النظام ))

نظره خاصه علي مطار العلمين
مطار العلمين كان خطوه كويسه لان في ناس كتير من دول الكومنولث بيجوا لزياره مقابر اقاربهم و بانورما اكبر معركه عسكريه في افريقيا و سيوه و مكان تتويج الاسكندر الاكبر و دول كتير جدا و ان لو المطار ماكنش دخل فيه الشعار المصري الاصيل بتاع عك عك ربك يفك كان ممكن يكون زي مطار مرسي علم في البحر الاحمر لو سلموه لمجموعه استثماريه ممكن تكون الخرافي (( نجحوا في مرسي علم و خلوها من مجهوله لاشهر واجهه للسياحه في البحر الاحمر )) او اورسكوم او مجموعات اجنبيه عن طريه مناقصات دوليه (( انا مسمعتش عن مرسي علم الا من خلال المطار و اما فتحوه في 2002كان فيه 2000 اوضه في 2007 بقي فيه 10000 اوضه الفرق كبير طبعا و المنطقه هتتعدي هيا و الجونه الغردقه بسبب مطار مرسي علم و مجموعه الخرافي قدمت المرحله من 2013 ل اخر 2008 و المرحله التالته بيدروسلها انها بدل اما تكون في 2026 تتقدم للعقد القادم 2010ل 2010 و انو هيتعدي مطار الغردقه في 8 سنين )) اما بالنسبه لمطار العلمين انا معرفش غير كلمه العلمين بسبب كتب التاريخ لكن المطار الي مفتوح من 4 سنين مابسمعش عنوا ايه حاجه و لا خطط و لا اعلانات و لا حتي موقع علي النت و لا اي وثائق عنو او مقالات اعلانيه عن المطار ((هتفتكر اني هقولك دا اهدار للمال العام و لازم يكون هناك تبليغ للنائب العام و المدعي العام و اي حاجه عامه و السلام زي الصحف المستقله ان مش هقول حاجه غير فاكس اوي لان دا الشعار الرسمي للمصريين اصل اساسا البلد دي احنا عليها ضيوف و بلدهم هما يعملو عليها الي هما عاوزينه و النائب العام و الوزراء و الريسين و الجيش و الشرضه و المستفدين و المدعي العام بيقسموها علي بعض )) بس هو السؤال الي انا برضو مائتلوش اجابه هيا ايه نظام الضرايب علي المطار دا و لا هما فلاقينا بالضرايب (( مصلحتهم اولن )) و عند قرايبهم مصلحتك اولا زي اما عملوا في البنود الي اتخالفت في العقد و 8.32 مليون متر الي ضربهم في جيبه
.

ايه الي بعد ان جمال يمسك الحكم في 2011م ؟


  • الصحافه كلها كانت حتي التسعنينات اهرام اخبار جمهوريه بعد كده ظهرت المستقله كانت البدايه مع جرنال الشعب الي كان بيعمل مقالات للقول لا في الاستفتاء حول الريس ((الي كان قايل هيعد فترتين يالهوي علي القناعه )) و طبعا كانو فكرينها نزيهه مش فوزيه و دي لامؤاخه الي كان علي علاقه بيها اتشحور شحوره تمام و التانيه كانت الدستور و دي اصدرها عصام اسماعيل فهمي و دي كان تصريحها الاولني كان من قبرص و الناس طبعا عارفه ليه من قبرص عشان التعنت و دي ماكملتش 3 سنين و قفلوها بعد مقالات الدستور الخاصه بالفساد الاداري و الاقتصادي و لكن بعد كده رجعت في 2005 م و هيا اكتر الصحف جراءه و حريه و كلام عن عدم كفائته و شخصيته الضعيفه و كاريزمته الزباله و حاله مبارك الصحيه الي ماتهلوش انو يكمل و مقالات نهب مصر من الضبعه و سياج و مع الاخوان و لا لنكسه الغاز و تسعه مارس و كفايه و 6 ابريل و استقلال القضاء و دعم ايمن نور و سعد الدين ابراهيم و الاخوان و ضد المحاكمات العسكريه للاخوان ,طيب الكلام دا كله اتعمل عشان التوريث من قمع الاخوان و تنكيل ايمن نور و سعد الدين بمركزه الحقوقي و الضبعه راحت لحماه و اصحابه من مجموعه عامر و ابراهيم كامل و 6 ابريل ضد الي بيحصل من توريث و كوارث ابوه العظمي و لالنكسه الغاز ضد الغاز الي هو ضربت ميد انفيستمينت الفرق بين الي هو معلن و الي ظاهر للغلابه و 9 مارس دي لاستقلال دكاتره الجامعه من سيطره قمل الدوله و الامن العام علي الجامعه و استقلال القضاء و حقهم في الاشراف علي الانتخابات الرئاسيه و البرلمانيه مش الزمالك و نقابه المحامين و كفايه لوحدها قايمه علي كلمه لا للتوريث طيب اما الي بيكافحوا من انو مايحصلش ايه الي هيحصل بعد كده بالنسبه للصحافه هيحصل قمع انتن من قمع التسعنيات للصحف و ممكن يتلعبو مع حوار تصاريح قبرص في خلال 2011 و 2012 و من بدايه 2013 هيرجع الوضع لنفس الكلام الي في 2005 م في عهد ابوه و تزداد لغايت ام توصل لحريه الدستور و حتي المصري اليوم بتاعت اولاد ساويرس (( بيقولو كل يوم حصه و مش عارف ايه الرقم التمام بس اكيد هما الي صايغين سياستها بتاعت التوريث شفت الصياعه الازليه )) طيب الصحافه هو و اهل جماعه المستقبل (( لكل و قت و ليه حزب او جمعيه او منتدي اقتصادي )) هيعملو زي حلف التخلف الديقراطي هينفضوا هيتعملوا معانا بمنطق الشعب القاصر الي مش فاهم حاجه و هما الادري و يسبونا نرغي في الصفح و المدونات و الفيس لان كل الي احنا بنعمله من معارضه هيا الكتابه
  • طيب كفايه و 6 اريل و الدوشه بتاعت حركات شهور السنه ايه الي هيحصلها هقلك كفايه كانت عباره عن تجمع للنخبه الثقافيه الي ضد التوريث و دول اغنياء زي (( جورج اسحق و المسيري الله يرحمه و عبد العزيز مخيون )) وانا بقدرهم بس اما يجي الطفان حط ابنك تحت رجليك ,الحكومه و الحزب مشغوله بملف غزه الي و لع مع انتخاب حماس و كمان حوار التوريث و تقسيم الثروه قبل ام يغور مبارك الكبير و الحفاظ علي المكانه في عصر مبارك ليتل و قمل الدوله بيصفي وجود الاخوان قبل 2010 و 2011 يعني مش فاضيين لكفايه و مثقافيها بس في عهد جيمي ليتل هيصفيهم تصفيه تمام و الي كان بيضفي نوع من الشبابيه علي كفايه كانو الغديين و الاخوان و الاحزاب المجمده و المدونين ودول كلهم راحوا في اتجاهتهم الاخوان في السجون العسكريه و الغديين منقسمين بين ايمن نور و جميله اسماعيل و موسي المخرباتي الله يحرقه و الاحزاب المجمده و الي تحت الانشاء كلهم راحوا يناموا من تاني و المدونين و الفيس بوكين عملوا كذبه ابريل و فشلت في اخر صورتين بعد نجاح مدوي في الاولاني و دلوقتي بيتخانقوا علي انتخابات قياده 6 ابريل في حزب العمل و الي بيقولو مزور و بيسافروا بره في حتت زي تركيا و النمسا و يئفشوا في المطار و هما راجعين (( كانو مدونين معايا بس البليه لعبت و انا افتقرت اكتر هما بيسافروا تركيا و النمسا سياحه و انا بروح جمصه برضه سياحه بس اما هما بيتفشوا في المطار انا بتئفش في الكارته )) و بيهتموا بمسابقات المدونات زي البوبز

و استقلال القضاء بعد اما مشي زكريا عبد العزيز بقي عمل زي السراب و ومشاكلهم مع وزير العدل بقت مستمره و في الضياع (( شفت صياعه حراميه البلد )) ممكن 9 مارس تستمر يعني لانها مش حركه سياسيه و همها رفع مرتبات دكاتره الجامعه و حوارات فكسانه كده حولين حرس الجامعه و جيمي ممكن يكسب ودهم بمطالبهم خصوصا انو ممكن يوزع عليهم معونه اوروبيه تنضاف لمرتبتهم و يقفلوا علي حوار حرس الجامعه (( المعونات الاوروبيه للمركز القومي للبحوث بتاع هاني النظار بيضفها علي مرتبات الدكاتره الميتين الي مافيهم واحد يعرف يفرق بين الخليه النباتيه و الحيوانيه و الباقي علي الديكورات و الكريستال و انظمه دخول للمركز عبر الكروت )) و جمال هيعمل كده والفصيل الاكبر الي كان مؤثر و لغايت التهارده اتباعوا كتار و يقدر يجذب شباب هما الاسلامين و هما اساسا ماشيين بمبداء الخلافه يعني (( محمد حسني مبارك و بعديه جمال مبارك و بعديه ابن علاء مبارك الي مامتش و ابنوا الي هيجبيه ولو بنت هما برضوا بيؤمنوا بحق المراءه في ان تكون رئيسه كمهوريه بالملوخيه)) يعني قعدوا يقتلو و قالوا توبنا ومش عاوزين يكفروا عن سيائتهم بالعمل ضد التوريث فاضل الجيش بما ان موت مبارك قادم قادم باذن الله و هو مش هيتنازل عن لقب القائد الاعلي للقوات المسلحه و لما يموت و يمسك واحد زي طنطاوي او احد اخواته هيكون نفوذ الجيش ضرب نفوذ الشرطه بمراحل ماعرفش جو تصفيه القيادات ذات شعبيه في الجيش من ساعت اغتيال السادات لغايت اما ينتهي مبارك هيقدروا يتحكموا فيه ولا لا و ممكن القائد الاعلي للقوات المسلحه يفكر في الانقلاب كلها مساله وقت مش اكتر.

لك رب يامصر

الاثنين، 17 أغسطس، 2009

ليه مصر ما ينفعش فيها أضربات و لا عصيان مدني؟



ملحوظه فاكسانه أوي : انا مع سته ابريل و مايو ((وكل شهور السنه برضه)) والي اتعمل فهم النظام في اول اضراب انه ممكن تكون هناك حركات مدنيه ذات تاثير علي الجمهور و تاخد حقاها غصب و اقتدار بدليل كل مهنه ((البريد و الضرايب العقاريه و الصايدله و بتوع الاثار و خبراء العدل و الصحفين و بتوع التلفزيون :نفسي اشوف وقفه للفانين ))تعمل اضراب او وقفه احتاجيه عشان تاخد حقها .

الشباب المصري الجديد بتاع اشتري دماغك بيشترك في الحزب ((الي مش وطني )) عشان خاطر الرحله بتاعت الاقصر و اسوان و المستقبل (( صباح الخير يا جيمي)) عشان الكورسات بتاعت الكمبيوتر و انهم يضمنوا شغل ((كل عيش: كدا يبقي احنا نستحق الجنسيه المصريه)) و دول خرجوا من لعبه المعارضه بقوا توقيع حكومي ((دول الي بيعمو جروبات مع جمال مبارك و فانز ليه و صفحه لحسني مبارك علي الفيس بوك و يقلولوا عيد ميلاد عظيم و مبجل و مقدس و كل حاجه يا أمام الديموقراطيه)) و دول لو واحد غاب يوم الاضراب هيتفصل لانهم مضوهم اقرارات بعده الغياب في كل الاضرابات يا اما هيتفصلوا وهما ماشين مبدا المواطنه المصريه الاول كل عيش يا برنس.
التانيه هما العاطلين الي بقوا الحشاشين ((6 مليون مدمن مش واحد شرب تفاريحي يعني 400ألف اسره يعني 2.9 مليار دولار يلا مهوا زيتنا في دقيقنا الي بيجبوه هما الي ماسكين البلد و مش انتا يا جيمي المره دي)) و دول ملهمش في حاجه, السياسه مش في القاموس و الاقتصاد يعني فلوس الورديه بتاعت سواقه التكتك الصبح و التكنولوجيا يعني السيبر و افلام السكس العربي و الحراك الوحيد الي بيلحظوا هو الي قبل ما مصر تلعب في بطوله افريقيا للكره الفكسانه اوي و الفن يعني سيجاره بني و خربانه و المرايه و الشعار القومي الشارع الي وريا قدامي و المشروب الرسمي كنز استلا ((تقدر تقول ملهمش في الحياه اساسا مش في الحراك المدني و الاضرابات )).
التالته دول مرتادي الجامعات الخاصه و البحريه و الطيران ((مش المعاهد و الاكدميات :مش كل الي ركب خيل بقي خيال يابا )) و دول منغلقين علي نفسهم لانهم امه واحده علي ارض غريبه بيشوفوا بعض من الكي جي في الفرانسيسكيان ((مش شتيمه)) و في الفصل في السي ايه سي ولا مصر 2000 و لا في الطيران و الايه يو سي و الجي يو سي ((واي حاجه اخرها سي)) و بيسافروا كامبز مع بعض علي حسب الانتماء ((دبلومه المانيه يعني الماني و النيت ورك بتاعتك علي الفيس بوك هيا المانيا و يتكلم الماني و يدافع عن المانيا ضد الانجليز المصريين و يكتب الاستاتيو بالالماني و يخش الجامعه الالمانيه و يبقي عضو في جروب القهوه الالمانيه في القاهره و بيشتروا كتب من فيرجن اسورز و ديوان ام شنطه كرتون ((واحد فقيع كاتب علي جروب ديوان انوا اشتري كتاب اسمه ميت شمس رائعه ب 150من فيرجن وان ديوان ارخص ب90جنيه بس )) و بيرحوا مراكز ثقافيه زي البريتش كنسيل ولا جوته وليهم جرايدهم و مجلاتهم ((the daily news egpt,teen stuff,le monde ,NY times)) وبالنسبه للزينا دي انتبيوتك يابرنس و بيعملوا شوبينج في بلاتنيم ولا الملحق بتاع هيلتون و اكيد سيت استرز و عيد الميلاد يا في القصر يا ف ايجيكول ديسكو و بيعملوا حفله تخرج عند الهرم ((و احنا ولا حتي طهور)) و هما الي بيحضروا حفلات اكون و عمرو دياب السنويه في مارينا (( ربنا يخليلنا وسط البلد و منير : ولو معايا فلوس هحضر حفله لمارسيل خليفه)) و بيشتغلوا في كل المجالات يا رؤساء يا خبراء في البورصه تلاقيهم في السياحه وكلاء نيابه قنصل مايضرش طيار و في القريه الي مش ذكيه ولا مهندس بترول ((الجماعه البريطانيه بتشغلهم في شركه شال للغاز ياما )) و مهندسين طيران ((فينك ياحلمي و ياحلمي الاولي اني ابقي مهندس طيرا بس ادي الله وادي حكمته والتاني كل مشكلته انفصام شخصيه مش زينا انفصام الوطن)) و حفله الجواز الصبح في اي بالس في التجمع ((ابو الجولف )) ((وبالمره حفله توديع عزوبيه للعريس)) و يجيبوا عيالو و يعيدوا اللفه من الاول ودول بيصيفوا في دول اوروبا الي علي البحر المتوسط (( اسبانيا ب 13الف جنيه للاسبوع و قبرص ب 9 من غير الي هتصرفوا و الانتقالات و الكافيهات و المتاحف :معلومات سياحيه )) والي مش قوي بيروح اللو استندرد زي شارم ولا بورتو ورلد ((ام 1200لليوم)) و بيحتفلوا مع اطفالهم الصغيرين ((قصدي الكيدز )) بالهالوين بتاع التحليه و عيد الشكر ابو ديك ((حد يعرف طعموا ايه)) ((و بالمره الاحتفال باعلان الاستقلال الامريكي باركاتك يا لنكلون )) ولكن السؤال الي بسؤله لنفسي ((انتا شفت حد بيفتقر منهم غير في الافلام :بالرغم من اني انا و اخواني من الشعب الفكسان أوي نازلين حقد و حسد و نقئ و مابياثرش فيهم و عشان كدا بالنسبه ليه كلمه اضراب يعني تاثير في اسهم الشركه الي بيلعب في اسهمها هتقل و يخسر و بالنسبه لبتوع شركات المحمول مافيش استهلاك موبيل لمده ساعه ودي تكلف مش اقل من 40مليون جنيه لكل شركه و رئيس الشركه معناها مافيش موظفين الحال بتاعه هيقف يبقي مش هيضربوا قصدي يضربوا ((دول مابيضربوش علي قفاهم زينا دول هما مصر الي منعرفهاش)).
الرابعه هما الحقوقين و الليبرلين و الاخوان و الحزبين ((حزب العمل و الكرامه واي حاجه تحت التاسيس و الغد و الجبهه الديموقراطيه))و((الي معاهم جنسيتين من طلبه الايه يو سي )) ودول مافيش كلام عليه غير انهم فكسانين قوي الحزبين بيخدوا الفلوس من لجنه الاحزاب بتاعت الحزب الوطني و الروساء بتعوهم ميتين اكلنكين من الستنيات و دول ماتلقيش منهم حاجه و الاخوان ماشين بمبدا و لادلعني و لا الدعك و بدليل ان مافيش حد طلع قال حاجه عن تأيد 6 ابريل غير مرتادي الفيس بوك من الاخوان المسلمين و لما لقوها ظاتت في المحله قالولك نعمل اي منظر و نعوضها في اربعه مايو الاضراب الجاي ((االدوله الي بريسين تغرق)) و الحقوقين بتوع التعذيب و ابن خلدون و هشام مبارك دول حقوقين علي النت بس تاني حاجه دول بياهفوا فلوس ايه و احنا ع الحديد ياولاد التيت و الي معاهم جنسيتين دول بالنسبه ليهم الاصلاح السياس او قطع علاقتنا مع اسرائيل او تعديل كامب ديفد و فلسطين كنوع من البطوله الي مش شايفنها في حياتهم الفاضيه جدا او تجربه سو اكسيتج و لو حتي اتمسكوا السفاره البلد التانيه هطلعهم منها و يبقوا ابطال في الفضائيات ((ما انكرش اني شايف فيليب رزق استثناء قومي )) .

الخامسه المدونين السياسين بتوع تويتر و بلوج اسبوت و بلوجر وورد بريس و العمرانيه و شباب الفيس بوك و دول و الي بيتفشوا في المطارت و ف الفجر من بيوتهم من كفايه ((مهو لازم نجرب قمل الدوله ولا ايه)) اساس الحركه المدنيه و الاضرابات .


يبقي تجمع الورق تاني
المدونين و الفيس بوكشين ((زي ايجيبشن )) و شرزمه من الاخوان علي الحقوقيين بتوع ابن خلدون و التميم و هشام مبارك يعملوا الطرقعه الالكترونيه علي الفيس يعملوا الجروب و المدونات تحت شعارات الاضراب و الاخوان يعملوا بروموا للاضراب ((زي برومو كليبات عمرو دياب)) و يفط وسط البلد بتاعت كفايه و الحقوقيين يعملوا الاتصالات بالبي بي سي ولا الدويتشه فيل و الجزيره اكيد راشقه في الحوار يعملوا تنويه و فيما وراء الخبر و جيه دور حزب العمل يروح لمركز اضربات مصر المحله يتكلم مع العمال بتوع الغزل و النسيج((بيعتها و خت كام يا جيمي )) اكتملت اليله الكبيره يجي اليوم الطلبه مارحتش الحامعه كويس ((انا كمان كنت في ثانويه عامه ماذكرتش ولا رحت الدرس كنوع من المشاركه برضه)) لاقينا الحكومه بتقول مافيش اضراب ((معنا التجاهل انو يبين انوا صغير لانوا ما قدرش يحتويه عشان كانت الفكره جديده ومن فتره زمنيه قريبه لكنهم اتعاملوا مع اربعه مايوا و 6 ابريل التاني و ماتعملش 4 مايو تاني))
يبقي كانت فيه استجابه و شفنا مظاهرات و شارع عدلي بكل مراكز الطيران و الصرافه فاضي 2 الضهر من مطار القاهره للاهرامات نص ساعه و الامن بيحاول يلم بتوع المظاهرات ماعرفش و الحكومه بتفل مكتب الجزيره بتاع القاهره ولاقينا اليو تيوب ماليان و اليوم قرب ينتهي بفكر جديد لاقينا اهل المحله قطعوا صوره مبارك و و بيدوسوا عليها و الامن المركزي اتظبت وفي حواري المحله و حده الامن المركزي بتاعت القاهره راحت المحله والحوار قعد تلات تيام بقيت حاسس اني في بلد تانيا وان انا ممكن اغير لكن زي اما عرفناهم ان احنا لسه ممتناش هما عرفوا ازاي يضمروا الفكره ((بدل اما يبقي المواطن هيضرب يبقي الامن هيضرب)) بالاعتقالات و امضاءات الموظفين علي تعهدات بعدم الغياب و كل حزب تحت التاسيس و لا حركه و اخوان هما الي بقوا نجاح الاضراب ((يعلنوها في مؤتمرات في المريدين و لا موفيبك وسابوا عمال المحله الي مش لاقين ياكلوا يلبسوا الحوار امنيا )) و يقلك اسراء باعت القضيه و احمد ماهر ((مش وزير علقه الاقصي ولل جده الوزير الوفدي احمد ماهر اخو علي ماهر )) يقلك لقد باعت القضيه و هنشلها من ف6 ابريل ((اما راحتلهم تجمع و رفضوا دخلها)) الي ماعملهوش رجاله بشنابات من ايام ثوره الفقر ايام السادات ((اللي بيقولوا شبه كلب في فيلم امريكي :كما تدين تدان زي اما عملت مع الشيخ المحلاوي الامريكان حبايبك بتوع السادات رجل العام في التايمز هما الي بيصفوك بيه )) و لو مسكك قمل الدوله ساعه مش 13 يوم و هي بنت و عندها عيله هيتأذوا ((او اتاذوا )) لازم ر تقلهم خدوا الي انتوا عيزينه اطلع في الفضائيات و اقول لا للاضراب حاضر اخليهم مرتشين حاضر , ومن كام يوم يقلك تزوير في انتخابات 6 ابريل الي اقيمت في مقر حزب العمل الي تحت التاسيس من 600سنه و ذلك لان هناك تدخلات مت كوادرالحزب و تزوير ((حته دي الحكومه بتحاول تدمرها )) و بكده اكدلك ان كلمه اضراب هتسمعها عادي و هتشوف فيديوهات علي اليوتيوب بس و ناس بتكتب في مدونات فكسانه أوي عن التخطيط للاضراب بس انتا هتقول خلاص دول بيعملوها عشان الشو الاعلامي وبلاش الغياب في اليوم ده عشان الخصومات او التحقيق او الرفد و كل عيش و كون عبد مصري أصيل لان الحكومه دمرت فكره 6 أبريل امنيا و جوهريا ((بس روح 6 ابريل هتفضل زي ماهيه)).


الكلام الفكسان أوي مافيش اسهل منه
وانهي بالشعار فاكس أوي

الأحد، 16 أغسطس، 2009

تعريف بشخصيه الفاكسانين أوي




احنا اللي بيقول علي الي بنكتبه لمحللين ((اللي مش كبار))انوا كلام علي ورق كلينكس وملناش انتماء للبلد((امبابه والوراق بشتيل مش بيفرلي هيلز ولا بورتو ورلد ام 1200جنيه في الليله )) الي احنا عايشين فيها ((عبيد)) ولا يسارين و لا يمنين ولا اخوان ولا شيوعيون اما الحاله الماديه لينا بترزق و انا معنديش دي اس ال ولا برود بند (( ربنا يستر ان الواد بتاع السبير ما يأفشنيش متلبس بي موقع سياسي لا سمح الله و اللبس مألكش احنا عيال استيل فشخ ((تشرتين و بنطلون و ربنا بيسترها بالشبشب الاسبور )) امي علي المستوي العاطفي فا مألكش دا احنا في الضياع امي بالنسبه للمظاهرات فهي مش في القاموس العام ((نأمن بأن الاصلاح في مصر يبدأ من المدونات و الفيس بوك ومن الداخل برضه )) المستوي الاجتماعي ملناش اعياد ميلاد ((الي معهوش ما يلزموش دي القعده في قهوه عم كوستا و تشرب شعير بتاع النسوان ب 12 جنيه بس و عيد الميلاد ب 950جنيه اكتر من مرتب ابويا في الشهر بس ممكن تبلطج في الساقيه و تعملها في الطراوه حيث الماء و الهواء و الخضره و المزز الاجانب و الازز المصريين )) و لا حفلات ((نفس الحوار)) المعرفه عاليه من احسن دبلوماسي فرفور من الايه يو سي ((ليه: ما بتسمعش عن و يكبيديا يا حمار )) و الكتب من سور الازبكيه بتعنا ((مش جوله الازبكيه في الجامعه الفرنساويه الفكسانه )) و من معرض الكتاب ((الي ربنا هيخلي هولنا يا اولاد التيت و مش هيتلغي فينك يا ناصر )) و ابعد يابا عن ديوان و ديفجن مش اللون المفضل للشعب الفكسان اوي يابا امي المصايف فا مألكش بعد جمصه و راس البر ((ركوب العجل ام اربعه عجلات علي الكونيش ايه و سرقه الشبا شب في الشط برضه ايه مهو المش و احنا حفيين رياضه و نوع من التضامن و التكافل الاجتماعي الي مايعرفوش مصلحي التيت )) كمان مارينا و بورتو و هايسلندا بقت سو لوكل بقت تلم تلم التيت اولاد التيت و اليله في بورتو رخيصه ب 1200 جنيه في اليوم من غير تكلف الغده الزباله بتاع شيليز و لا سي جل ((منتجع مش جل جديد متصدقوش كل حاجه انجليزي فكسانه أوي ))يعني الساعه= 50جنيه و بالنسبه للدش لمؤاخذه متلائيش ((ربنا يخليلنا اليو تيوب يارب )) و الحفلات متلائيش ((ساعات نروح حفله من حفلات تاسيس الساقيه راب و لا وسط البلد كله ب 25 محارب )) اهم رموزنا ((ما فيش كل الناس الي بتطلع عاوزه مجرد هوس و شهره اعلاميه سواء سياسين و مدونين و لا بتوع حركات و لا الحزبيين كله واحد مافيش فرق غير الاسم و كله بتمنوا يا جيمي)) الكره((في اعتبارنا ان الكوره من اهم نكسات مصر الحديثه يحرقوا واحد عشان زملكاوي و الناس تعطل المرور عشان فريق فكسان((دا لقب كبير ما يستهلهوش بص خلاص اهو اتكتب ))و لاعيبه بتمنا و الكبير يسيب الناس الي كلها سمك القرش و راح يشجع المفتكسين الجدد الي هما اكتر الهاء لاحولنا السياسيه و الاجتماعيه و الاقتصاديه , بالنسبه للادب احنا بنحب علاء الاسواني و احمد خالد توفيق و دان براون بس ما بنعرفش نقري للاول لان الكتب بتعته لاسمح الله هفكر اشتريها دي ب اكتر من 30جنيه ليعوبيان ساعتت ام سألت و مش موجوده اون لاين لكن توفيق كتبه رخيصه ((دار نشر مش مشهوره الظاهر كدا ولاحاجه)) و موجوده اونلاين ((مرترطه )) و دان براون كتبه مرميه اون لاين ((احنا مستنين اللغز المفقود)) و عندنا اقتناع ان احنا معنداش ولا حريه و لا كوره ولافن و لا اقتصاد ((هيجولنا منين يا حسره )) اما تعلمنا فهو حكومي بحت متلائيش لغات ولاحتي تجريبي اصل السي ايه سي ولا مصر 2000 مابنحبش تعلمهم و تاني حاجه هما رخاص فشخ 94 الف للاولي و التانيه تحت الاربعين الف ((ملها مدرسه مركز الشباب في امبابه )) و اللغات في الضايع الانجليزي بنذاكره عشان يفضل معانا لكن بنساه بعد سنه من الثانويه ((ونعد نحسب تكاليف البريتش كنسل ابو 850 للمرحله يابلاش )) و متلائيش لغات تانيه زي التيت اولاد السي ايه سي ولو حد سالني مين ينفع انو يمسك البلد هقلوا معرفش اصل كلهم حرميه و مرتشين و مش لاقي ذره شرف في اي واحد فيكي يا مصر و لو الواحد اتولد زي التيت اولاد التيت ماكنتش كتبت دا ولا و جعت دماغي و دماغك و عملت الي بيعملوه التيت ولاد التيت تاني حاجه انتا رغاي اوي و شكلك فكسان أوي


وانهي الكلام بالشعار فاكس أوي

السبت، 15 أغسطس، 2009

شارك





كنت قاعد علي الفيس بوك مره كده ولقيت اعلان صفحه فان ظهرتلي فدخلت عليها لاقيتم بيقولوا ان جمال مبارك باشا هيعمل حوار معانا احنا اعضاء الفيس بوك او الشله المندسه ما بقتش تفرق يوم كامل من الساعه الي 7 مساء يوم 13 اغسطس وتدخل علي الموقع تلاقيهم ظايتين صور علي

Flicker و نسخه مسجله للحديث هتبقي متاحه للداوند لود قريب بس ما عرفش امتي ((بس اكيد هتبقي متاحه في الحياه التانيه ))علي حبه صور ليه شويه ببدله من جورج ارماني ((اللي حلم حياتي يبقي عندي منها جرافته بس)) و صور و هو بقميص

صفحه الفانز اعضاءها 4356 عضو ماكملش 6.5% من اعضاء جروب علي القهوه 66109عضو اللي انا هقوله دلوقتي هو جمال مبارك اساسا ما يعرفش حاجه عند الموضوع دا وان اللي عامل الموضوع ده دول بتوع تكنولوجيا المعلومات الشباب في الحزب اللي مش وطني ((بتوع الاقصر واسوان ام بلاش )) لان جمال زيه زي ابوه كلهم معزولين ما يعرفوش حاجه عن اي حاجه ممكن يكون عارف الانتقادات اللي بتوجه بس مش عارف قدرها لانه كل اما يروح مع رشيد و محي الدين في لقات الشباب اللي بيجمعههم زي شبيبه هتلر كلهم بيبوسو الايادي و سمع و طاعه وصعب قوي علي

واحد بخبرته الضحله انو يستوعب دا.

الحركه الخايبه دي بينت انوا حتي مش عاوز يعمل اجنده للبلد ((ما تلمهوش هو ما يعرفش يعني ايه اجنده اصلا ))

و حتي مش عارف يوجه حمله اعلاميه علي الانترنت كويس بالرغم من كل الامكانات الخرافيه بتاعت وزاره الاتصالات و الحزب والقريه اللي مش زكيه

الاسئله اللي اطرحت كانت موضوعيه بشكل كويس

زي ليه هما الاغلبيه و احنا مش عاوزينهم و ان ليه الناس تطلطع عشان موكب الباشا الكبير او هو وان واحد عنده 26 سنه ازاي يجيب شقه عشان يتجوز و يفرشها الزاي و يفتح البيت ازاي و سوأل تاني ليه فتره الرئاسه تكون محدده فترتين زي الامريكان و ليه انتا مفروض علينا كان عدد الاسئله 256سؤال اختروا اقل 60سؤال بعيد عن التوريث و الفساد و التبعيه لامريكا الافله النجم و الادهي ان جمال ما اخترش دا عبد اللطيف المناوي هو اللي اختار و ان جمال بعيد عن شبيبه الحزب ((قصدي شباب الحزب ما بيعرفش يمسك نفسه)) في باحث مصري اسمه جلال خميس قال لجمال مبارك لو نزلت وسط البلد وسالت مواطن نفسك تعيش في بلدك ولا في بلد تانيه هيقللك بلد تانيا راح جماله قله انتي عاوز حوار لوحدك طالما مش عارف يمسك نفسه طب هيعمل ايه بعد كدا

انتا لو عاوز رأي المتواضع شكل الجامعه الامريكيه كليه تجاره ما بدرسش تاريخ ولا جغرافيا و لا اقتصاد دولي و سياسه خارجيه و اكيد مافيش سياسه داخليه ولا ملف الميه ابوك كان عسكري يبقي كان ماع تاريخ و جغرافيا و كان نائب الرئيس اللي صفاه يبقي معاه سياسه خارجيه و اقتصاد دولي وسياسه داخليه بس ماخدش الميه((الظاهر انها كانت قطعه ولاحاجه)) و اصبح اسوء شخص فاسد حكم مصر الحاجه الحسنه فيك انك هتزيل لقب الاسوء و الاكثر فسادا عن ابوك وتلبسه انتا

وفاكس اوووووووووي ياجيمي ليتل