الاثنين، 7 سبتمبر 2009

مطار العلمين

مش عارف هما حاولوا يفهمونا انو هيبقي ناجح زي مرسي علم بس بقي عامل زي توشكي
, الي خد امتياز الB.O.T لمطار العلمين هو ابراهيم كامل بمجموعته و هيا (( كاتو )) و دا كان 16 /8/1998 و االمساحه الي خدها من بنك الاراضي 64 كيلو متر و دي جنب قريته الغزاله و 64 كيلو متر مربع و ارض الغزاله مخصصه (( يعني مادفعش فيهم نكله بالمعني الحرفي , طبعا انتا مستوعب يعني ايه تخصيص لصديق جيمي ليتل و زمايل في المجلس الاعمال الرئاسي المصري الامريكي او اي حد تاني برضه )) و افتتحوا المطار في اكتوبر 2005 م و المعلم ابراهيم كامل مابناش علي 64 مليون كيلو متر مربع (( ممكن يكون للتوسعات المستقبليه )) عمل في 13% من المساحه ((8.32 مليون متر مربع)) ضربهم في جيبه و بنا عليهم مشروعات سياحيه طبعا اكيد دا اثر علي سعه المطار من الركاب (( دا مطار دولي يابرنس )) و غير انو اثر علي السعه السنويه للمطار اكيد دا معناه ان العقد الي برموا مع الدوله الهباب بالتوسعات و الانشاء علي 3 مراحل فاكس اوي و انو مشروع مرحله واحده (( و حتي دي متاكل منها 8.32 مليون متر مربع )) و طبعا اي شخص بيدور عليه عشان يشاركه في الشركه المالكه لمطار مافيش نيه لتكملته و مقتطع من مساحته 13 % هتنتهي بالفشل و مافيش حد بيحاسب او بيراقب الباشا (( الي احنا نعرفه ان منشاءات المواني الجويه و البحريه بتكون موقع اساسي للجيش في السلم و الحرب و بما ان التجربه جديده عاوز اعرف هو الجيش ايه حواره من مطار قدامه الاسطوال السادس الامريكي في البحر المتوسط ولو مافهوش قاعده لسرب جوي و لا ملهوش اشراف علي الاداره و عمليات التوسعات في البنيه الاساسيه و لا ايه النظام ))

نظره خاصه علي مطار العلمين
مطار العلمين كان خطوه كويسه لان في ناس كتير من دول الكومنولث بيجوا لزياره مقابر اقاربهم و بانورما اكبر معركه عسكريه في افريقيا و سيوه و مكان تتويج الاسكندر الاكبر و دول كتير جدا و ان لو المطار ماكنش دخل فيه الشعار المصري الاصيل بتاع عك عك ربك يفك كان ممكن يكون زي مطار مرسي علم في البحر الاحمر لو سلموه لمجموعه استثماريه ممكن تكون الخرافي (( نجحوا في مرسي علم و خلوها من مجهوله لاشهر واجهه للسياحه في البحر الاحمر )) او اورسكوم او مجموعات اجنبيه عن طريه مناقصات دوليه (( انا مسمعتش عن مرسي علم الا من خلال المطار و اما فتحوه في 2002كان فيه 2000 اوضه في 2007 بقي فيه 10000 اوضه الفرق كبير طبعا و المنطقه هتتعدي هيا و الجونه الغردقه بسبب مطار مرسي علم و مجموعه الخرافي قدمت المرحله من 2013 ل اخر 2008 و المرحله التالته بيدروسلها انها بدل اما تكون في 2026 تتقدم للعقد القادم 2010ل 2010 و انو هيتعدي مطار الغردقه في 8 سنين )) اما بالنسبه لمطار العلمين انا معرفش غير كلمه العلمين بسبب كتب التاريخ لكن المطار الي مفتوح من 4 سنين مابسمعش عنوا ايه حاجه و لا خطط و لا اعلانات و لا حتي موقع علي النت و لا اي وثائق عنو او مقالات اعلانيه عن المطار ((هتفتكر اني هقولك دا اهدار للمال العام و لازم يكون هناك تبليغ للنائب العام و المدعي العام و اي حاجه عامه و السلام زي الصحف المستقله ان مش هقول حاجه غير فاكس اوي لان دا الشعار الرسمي للمصريين اصل اساسا البلد دي احنا عليها ضيوف و بلدهم هما يعملو عليها الي هما عاوزينه و النائب العام و الوزراء و الريسين و الجيش و الشرضه و المستفدين و المدعي العام بيقسموها علي بعض )) بس هو السؤال الي انا برضو مائتلوش اجابه هيا ايه نظام الضرايب علي المطار دا و لا هما فلاقينا بالضرايب (( مصلحتهم اولن )) و عند قرايبهم مصلحتك اولا زي اما عملوا في البنود الي اتخالفت في العقد و 8.32 مليون متر الي ضربهم في جيبه
.

هناك 3 تعليقات:

  1. الاستاذ الي كتب الكلام ده ميعرفش حاجة عن مطار العلمين ولا عمرو راحو ولا يعرف حاجة عن القوانين ونظام الضرائب في المناطق النائية
    دكتور ابراهيم كامل يا بيه من انجح رجال الاعمال في مصر وشباب كتير بيتخذوه مثل اعلى ليهم الراجل ده فاتح بيوت ناس كتير وبيحارب مشكلات كتير الي زيك ميعرفوش عنها حاجة ياريت قبل ما تتكلم عن شخص تعرف تعرفو الاول عشان متظلموش ياريت تقرا عنو سدأني هتغير رأيك
    اما بالنسبة لادارة مطار العلمين فهي ادارة ناجحة قابلتها مشاكل كتير بتتلغلب عليها حتى الان ولو عايز تعرف لانك متعرفش تعالى النطقة وتعالى المطار وشوف بنفسك واذا كنت ملم بكل المعلومات والبيانات كنت هتعرف ان في فترة من الفترات كان مطار العلمين اشتغل كل طيرات مرسى مطروح بنجاح بعد مقفل مطار برج العرب ومطار مرسى مطروح لفترة وكنت كمان هتعرف بجوابات الشكر الي قدمتها شركات السياحة لنموذجية اداء العمل بالمطار
    الي ميعرفش يقول عدسسسسسسسسس

    ردحذف
  2. الي الاستاذ المبجل الذي كتب في الموضوع مالا يعلمه ان مطارالعلمين الدولي هو خطوه كبيره في مجال تنمية الساحل الشمالي حيث انه يقوم بخدمة القري السياحيه الواقعه علي الساحل الشمالي وايضا باعتبار منطقة العلمين منطقه معروفه دوليا اي انه يخدم المدينه وايضا هو مد للعمران ناحية الصحراء الغربيه ومد للاستثمار الاقتتصادي لمحافظة مطروح وارد علي المتخلف الذي كتب التقرير انه لا تفتي بما لاتعلم وهذه اصبحت افه كبري لدي الشعب المصري وهي الحديث عن الشي مع عدم المعرفه والامام وان اساس التخلف الذي وصل اليه الشعب المصري راجع للكسل والاتكاليه والروح لانهزاميه وعدم المثابره

    ردحذف
  3. تسالت اكثر من مرة لماذا بنى هذا المطار وحتى الان لم احصل على اجابة شافية واستمرار فتحه حتى الان هو اللغز الاكبر اما بالنسبة للسيدالمعلق الاول صاحب (الراجل ده فاتح بيوت ناس كتير )هو يعنى الموظفين دول شحاتين ولا دى دار ايتام وشكلك شغال فى المطار من ضمن الشحاتين الكبار وكنت عايز اسئله هل المطار يعمل حاليا ؟ كم طائرة في اليوم (اسف )فى الشهر
    اما بالنسبةللسيد المعلق الثانى صاحب ( خطوه كبيره في مجال تنمية الساحل الشمالي )المطار بيشتغل على فندق واحد ملك ابراهيم كامل سعته 220 غرفة
    ممكن كمان 10 الى 15 سنة يبقى مشروع ناجح بعد استيلاءالسادة رجال الاعمال على ارض الطاقة النووية وتحويلها...هذا للعلم والحاطة

    ردحذف